Pa kalkulime, vetëm sulm!

​Një sezon që po shkonte mirë për Arsenalin, ka filluar ‘tëposhtëzen’ në muajin e fundit. Disa gabime në Premier League, eliminimi nga FA Cup dhe humbja në ndeshjen e parë ndaj Barcelonës në Londër, kanë zgjuar reagime tek fansat ndaj francezit Arsene Wenger.

Megjithatë, Wenger nuk është dorëzuar.

“Jemi në një pozicion ku nuk duhet të kalkulojmë shumë. Duhet të sulmojmë. Normalisht, edhe paraqitja në fazën defansive ka rëndësi mirëpo në përgjithësi neve na duhen golat në Camp Nou. Kemi fituar në shumë stadiume evropiane, mirëpo jo në Barcelonë. Duhet të qëndrojmë të qetë sepse kjo na kushtoi në ndeshjen e parë. Luajtëm mirë, mirëpo në momente të caktuara e humbëm qetësinë dhe u ndëshkuam.” - u shpreh francezi para mediave.

Sa i përket lojtarëve startues, ai u shpreh:

“Cech është ende i lënduar, ndërsa Koscielny është rikthyer dhe do të luajë.”

Ndeshja e parë në Emirates u mbyll me rezultat 0-2 dhe për kualifikim Arsenalit i duhet një super paraqitje sonte.