HAWTHORNS
Rikthim i madh i Evertonit
28 September, 2015 @23:02
Goli i dytë i Saido Berahinos në dy ndeshjet e fundit për West Bromwich Albionin si dhe goli i Craig Dawsonit 8 minuta me të hyrë në pjesë të dytë, i dha ekipit të Tony Pulisit avantazhin e madh karshi Evertonit mysafir.
Por gjithçka përfundoi këtu për vendasit në Hawthrons sonte. Që nga minuta e 55-të e ndeshjes, Everton morri lojën në dorë dhe me tre gola të shënuara në 35 minutat e fundit të takimit ka arritur që të përmbys epërsinë e vendasve për të fituar në fund, 2-3.
Romelu Lukaku ka marrë epitetin e lojtarit të ndeshjes menjëherë me përfundimin e saj, pasi që shënoi dy herë dhe asistoi një herë në rikthimin e madh të ekipit të Roberto Martinezit sonte.
Kjo ka qenë fitorja e tretë e Evertonit këtë stinor, ndërsa aktualisht gjenden në pozitën e gjashtë të klasifikimit. WBA ka mbetur në dy fitore, derisa ka regjistruar humbjen e tretë të stinorit sonte.
