Roma fiton derbin e kryeqytetit

Roma ka shënuar fitore me rezultat 2-0 ndaj Lazios në xhiron e parafundit të Serie A-së.

Golin e parë për Roman e shënoi Mkhitaryan në minutën 42’, ndërsa fitoren e konfirmoi Pedro në minutën e 78’.

Me këtë fitore, Roma përforcon pozitën e 7 përmes së cilës mund të kualifikohet në Europa League, ndërsa Lazio mbetet në pozitën e 6 dhe humb mundësinë për t’iu afruar Napolit që gjendet në vendin e 5.

Reprezentuesi i Kosovës, Vedat Muriqi, e filloi ndeshjen si startues te Lazio dhe u zëvendësua në minutën e 59’, ndërkaq ai i Shqipërisë, Marash Kumbulla, u inkuadrua në lojë për Romën në minutën 38’ dhe luajti deri në fund të takimit.