KUPA E KONFEDERAVE - GRUPI A
Ronaldo vendos, Portugalia mposht nikoqirin
21 June, 2017 @18:51
Një gol i Cristiano Ronaldos ishte i mjaftueshëm që Portugalia ta fitojë takimin e dytë të Grupit A ndaj Rusisë nikoqire.
Ronaldo golin e shënoi me kokë pas një krosimi që i erdhi nga krahu i majtë, ndërsa gola të tjerë për Portugalinë nuk pati, me Akinfeevin rus, që në paraqitjen e tij të 100-të me Rusinë, ishte në formë mjaft të mirë. Në anën tjetër, Rusia me komplet skuadrën nga Superliga Ruse e Futbollit, nuk pati ndonjë rast konkret për shënim.
Pas 2 ndeshjeve në Grupin A, Portugalia prin me 4 pikë, Rusia ka 3 pikë, ndërsa dy skuadrat tjera të grupit, Meksika e Zelanda e Re, takimin mes tyre e zhvillojnë sonte me fillim nga ora 20:00.
Sa i përket statistikave, kjo është ndeshja e katërt me radhë mes këtyre dy përfaqësueseve që përfundon me rezultat 1-0. Në këto 4 takime, 2 herë ka fituar Rusia dhe 2 herë Portugalia.
Cristiano Ronaldo GOAL HD - Russia 0-1 Portugal… by claytonashurst
GRUPI A
| 1 | Portugalia | 2 ndeshje | 4 pikë | |
| 2 | Rusia | 2 ndeshje | 3 pikë | |
| 3 | Meksika | 1 ndeshje | 1 pikë | |
| 4 | Zelanda e Re | 1 ndeshje | 0 pikë |
