Rooney nuk shitet!

Pas lënies në bankën rezervë gjatë më shumë se gjysmës së ndeshjes ndaj Real Madridit në Ligën e Kampionëve, u spekulua shumë për të ardhmen e sulmuesit të Manchester Unitedit, Wayne Rooney. 

Bile, dje doli edhe çmimi i tij, deri diku i pabesueshëm sikur të jetë në lirim, vetëm 25 milionë euro. 

Mirëpo, sipas The Sun, trajneri i Manchester Unitedit sot ka thënë se ai do të mbetet te djajt e kuq. 

“Wayne do të jetë këtu edhe stinorin tjetër, ua jap fjalën. S’ka asnjë problem në mes meje dhe Rooneyt. Taktikisht kam pasur të drejtë në ndeshje ndaj Realit, jo çdoherë, por kësaj radhe kam pasur të drejtë,” ka thënë Ferguson sot për The Sun. 

Sulmuesi 27 vjeçar, pasi që nuk u paraqit në formacionin bazë në ndeshje ndaj Real Madridit, u tha se do të shitet dhe se trajneri më shumë e pëlqen kombinimin Van Persie - Welbeck sesa Van Persie - Rooney.