SHQIP NË BOTË
Roshi debuton me fitore
20 February, 2021 @19:56
Mesfushori ofansiv i kombëtares shqiptare, Odise Roshi, ka debutuar te skuadra e tij e re nga Hungaria, Diosgyor VTK.
Roshi debutimin e tij e realizoi në kampionatin hungarez kundër skuadrës MOL Fehervar, në ndeshjen e cila përfundoi me rezultat 1-3 në të mirë të Diosgyor-it.
Roshi ishte titullar në këtë ndeshje dhe luajti deri në minutën 55’ kur u zëvendësua, derisa gjatë kësaj kohe u ndëshkua edhe me karton të verdhë në minutën e tetë.
Futbollisti shqiptar ishte transferuar ditë më parë te Diosgyor nga skuadra çeçene Akhmat Grozny në formë të huazimit.