KUPA e KOSOVËS
Rrebesh golash në pjesë të dytë, Llapi siguron 1/8 e finales
16 December, 2020 @16:00
Përballja e Onixit dhe Llapit ka dhënë shumë gola sot, ndërsa pjesa e dytë ka qenë më me fryt për llapjanët, të cilët siguruan të tetën e finales së Kupës së Kosovës me fitore.
Pas barazimit në pjesë të parë 1-1, në pjesë të dytë llapjanët shënuan edhe tre herë, ndërsa vendasit vetëm një për përfundimtaren 2-4 [Enis Stublla 25, Enis Miranaj 69 - Sava Gardasevic 19, Kastriot Selmani 55, 67, Kushtrim Shabani 90+2] që çoi ekipin e Tahir Batatinës tutje në Kupë.
Onixi përkundër që luajti mirë në pjesë të parë dhe u koordinua disi për vazhdim, sulmet e Llapit në pjesë të dytë ishin shumë më konkrete që duke shënuar siguroi kualifikimin.
