Rrezikohet titulli, pikë jetike për mysafirët

Spektakël në Drenas!

Lideri i Superligës së Kosovës në futboll, Feronikeli, është mposhtur befasisht me përmbysje nga Ferizaji i Bylbyl Sokolit, për të bërë kshtu një hap “fallc” në luftën drejt titullit kampion.

Pas disa rasteve të njëpasnjëshme për shënim nga Lapidar Lladrovci, Mendurim Hoti, Kastriot Rexha, golin për vendasit e gjeti Arbër Prekazi, i cili u gjend më së miri në zonën kundërshtare 4 minuta para përfundimit të pjesës së parë, për ta dërguar skuadrën e tij në pushim mes pjesëve me epërsi.

TABELA AKTUALE

E në pjesën e dytë, gjithçka po shkonte shumë mirë për Feronikelin deri në minutën e 78’, ku pas një gabimi të pabesueshëm të portierit Smakiqi, mysafirët arritën ta shënojnë golin e barazimit përmes Ermal Krasniqit. Me t’u barazuar rezultati, Nikli u ‘gjuajt’ në sulm për ta gjetur golin e fitores, mirëpo ndodhi krejtësisht e kundërta.

Pas një kundërsulmi fantastik në minutën e 6’ të kohës shtesë, Ferizaji shfrytëzoi numrin e madh të lojtarëve të Feronikelit të dalur në sulm dhe arriti të shënojë përsëri përmes Ermal Krasniqit për 1-2, duke e shokuar kështu liderin e klasifikimit.

Përveç ‘nderit’ që Ferizaji ia bëri sot Prishtinës e Llapit, skuadra e drejtuar nga Bylbyl Sokoli arriti të marrë pikë jetike në luftën për mbijetesë, pikë të cilat mund të jenë vendimtare në fund të sezonit.

Xhiron e ardhshme, Feronikelin e pret punë jo shumë e vështirë në udhëtim te KEK-u, kurse Ferizaji luan një takim mjaft të rëndësishëm ndaj Flamurtarit në shtëpi.

FORMACIONET STARTUESE