Sa do të përfitojë Meha te skuadra arabe, Al Nassr?

Alban Meha më në fund ka kompletuar transferimin e tij te skuadra nga Arabia Saudite, Al Nassr.

Mesfushori 30 vjeçar e ka lënë skuadrën e tij, Konyaspor, për t’iu bashkuar Al Nassrit, pas negociatave të stërzgjatura.

Ai ka nënshkruar kontratë dy vjeçare me Al Nassrin, ndërsa Panorama Sport ka mësuar edhe pagën e tij që do ta fitojë gjatë kësaj periudhe.

Sipas Panorama Sport, Meha te ekipi arab do të përfitojë rreth 2 milionë dollarë në stinor, apo ndryshe, rreth trefish më shumë se që fitonte te Konyaspori.

Meha aktualisht i është bashkuar stërvitjeve të ekipit të tij të ri, që po kalon fazën përgatitore këto ditë në Kroaci.