GRUPI C
Salah vendimtar, nënkampioni kualifikohet
11 December, 2018 @23:13
Në ndeshjen kryesore të natës në Champions League, Liverpooli ka shënuar fitore 1-0 ndaj Napolit, për të kaluar kështu në 1/8 e finales së Champions League.
Skuadrat në fjalë e mbyllën grupin me pikë të barabarta dhe me golaverazh të barabartë, mirëpo Liverpooli kalon tutje falë numrit më të madh të golave të shënuara.
Ishte Mo Salah ai që e shënoi golin vendimtar për skuadrën angleze, e cila sonte pati edhe shumë mundësi të tjera dhe shumë lehtë mund ta kishte mbyllur takimin me diferencë edhe më të thellë.
Për Napolin sonte rezervë e papërdorur ishte Elseid Hysaj, lojtar ky që nuk është në më të mirën e tij që nga ardhja e Ancelottit në krye të skuadrës.
Me Liverpoolin që kualifikohet nga vendi i dytë, vendi i parë i këtij grupi i takon PSG-së, skuadër kjo që sonte shënoi fitore 1-4 ndaj Crvena Zvezdës
