Sherifi: Këta djem kanë zemër të madhe

Trajneri i Vllaznisë, Sallah Sherifi, është treguar shumë i kënaqur me arritjen në Superligë të skuadrës së tij, pas ndeshjes së barazhit ndaj Ferizajt, të cilin e mposhti me anë të ekzekutimit të penalltive.

Ai, në intervistën e tij pas ndeshjes i lëvdoi dhe i falenderoi të gjithë futbollistët e tij për këtë arritje.

“Jam shumë i lumtur. Në këtë atmosferë, me këta njerëz që na kanë përkrah, me këta futbollistë që me të vërtetë e dhanë më të mirën prej vetes, treguam gjatë gjithë kampionatit që jemi një skuadër mjaft stabile.

Disa edhe nuk na besuan, por megjithatë, këta djem treguan dhe dëshmuan që me të vërtetë kanë një zemër të madhe,” tha Sherifi.