BLEDI SHKËMBI
Shkëmbi: Nuk na funksionoi asgjë
2 May, 2021 @17:59
Skuadra e Ballkanit sot ka pësuar humbje ndaj Drenicës me rezultat 2-1 dhe njëkohësisht ka humbur edhe vendin e parë në tabelë.
Trajneri i Ballkanit, Bledi Shkëmbi, pas ndeshjes tha se skuadra e tij tregoi lojë të dobët dhe nuk i funksionoi asgjë ndaj drenicakëve.
“Ishte ndeshje e vështirë, nuk funksionoi asgjë, një ndeshje e dobët. Siç duket nuk menaxhuam mirë këto dy ditë pas fitores kundër Llapit. U futem në lojë sikur ta fitonim ndeshjen, duke e nënvlerësuar kundërshtarin. Kjo ndeshje iku, duhet të përgatitemi për ndeshjen e radhës”, tha Shkëmbi për Art Sport.
Ai më tej shtoi se çka i duhej më shumë për të arritur deri tek fitorja.
“Për të triumfuar kundër rivalëve, duhet të ndryshojë mendësia dhe të japësh 100% në fushë. Nëse nuk luan me shpirt dhe nuk luan për ekipin, atëherë do jetë vështirë të arrihet te rezultati pozitiv”, përfundoi ai.
