Shqipëria, me më të mirët ndaj Çekisë

Edy Reja ka përzgjedhur 11-shen startuese që do t’i dalë përballë Çekisë në 20:15.

Kuqezinjtë luajnë me formacionin 3-5-2 në fushë, me Gentian Selmanin portier, ndërsa treshja e mbrojtjes përbëhet nga standardët tashmë: Ardian Ismajli, Berat Gjimshiti dhe Marash Kumbulla.

Mesfusha e zgjeruar në qendër me Keidi Baren, Amir Abrashin dhe Sherif Kallakun, ndërsa në krahë Fred Veseli e Lorenc Trashi.

Në sulm, Sokol Çikalleshi dhe Rey Manaj.

Kujtojmë, Çekia është kualifikuar në EURO 2020 duke qenë pas Anglisë në grup, ndërsa para Kosovës.