Shqipëria po përparon

Federata ndërkombëtare e futbollit, FIFA, ka bërë publike renditjen e saj për muajin mars.

Në krahasim nga muaji i kaluar, Shqipëria ka përparuar për një pozitë. Kuqezinjtë janë renditur në vendin e 54-të me gjithsej 569 pikë të tubuara, ndërsa në këtë përparim ka luajtur rol edhe fitorja e fundit në miqësore ndaj Maltës.

Prej kundërshtarëve të Shqipërisë për kualifikim në EURO 2016, më së keqi ka pësuar Armenia, e cila ka rënë për 11 vende në krahasim nga muaji i kaluar dhe tani renditet në pozitën 41. Rënie ka pësuar edhe Danimarka për dy pozita (22), derisa Portugalia ka ruajtur pozitën e katërt. Njëjtë sikurse Shqipëria, ka kaluar edhe Serbia e cila ka përparuar për një pozitë (28).

Kryesimin në renditje vazhdon ta mbaj Spanja, që po vazhdon të ndjeket nga Gjermania dhe Argjentina, kurse në TOP 10 është inkuadruar Belgjika, e cila e ka lënë pas Holandën.

Renditja e FIFA-s për muajin mars