Shqiptari i dytë në Malajzi!

Pas Liridon Krasniqit, që po luan me sukses te skuadra nga Malajzia, Kedah, edhe një tjetër futbollist shqiptar nga stinori i ardhshëm do të luajë në këtë shtet.

Është fjala për golashënuesin e dytë më të mirë në Shqipëri stinorin e fundit, Xhevahir Sukajn, i cili ka arritur marrëveshje me skuadrën Perak.

Sukaj stinorin e kaluar ka veshur fanellën e Partizanit dhe ditë më parë kishte arritur marrëveshje me drejtuesit e klubit për të vazhduar bashkëpunimin, mirëpo së fundi vendimi i tij ndryshoi pasi oferta e malajziasve ishte më joshëse.

Sipas njoftimit të Telesport, thuhet se Sukaj ka arritur marrëveshje për kontratë 1.5 vjecare me skuadrën Perak, ku do të përfitojë 500 mijë dollarë.

Sukaj më parë ka luajtur edhe në vende tjera të largëta te skuadrat nga Egjipti e Irani, si dhe në ato kroate dhe turke.

Ai në stinorin e fundit ka shënuar 21 gola me Partizanin, gjashtë më pak se golashënuesi më i mirë, Hamdi Salihi.