FIFA FFK
fifa.com
Shtyhet takimi
28 November, 2013 @22:31
Me një njoftim të shkurtër në faqen e saj zyrtare, Federata e Futbollit të Kosovës, ka bërë të ditur se takimi i paraparë për nesër ndërmjet FFK-së, Federatës Serbe të Futbollit (FSS) dhe FIFA-së është shtyrë.
“Një letër që ka arritur mbrëmë vonë ka njoftuar se takimi i paraparë në FIFA më 29 nëntor 2013 ndërmjet FIFA-së, FFK-së dhe FSS-së është shtyrë për një datë të pacaktuar. Kështu FFK-ja me delegacionin e saj ka anuluar udhëtimin për në Zurich përkundër përgatitjeve,” shkruan në njoftimin e publikuar.
Treshja në fjalë kishte pasur edhe një takim më heret që kishte bërë në selinë e FIFA-së ku në bisedime trepalëshe kishte pasur shtrëngime duarsh dhe premtime për daljen nga izolimi të futbollit kosovar.
