ANDRE SILVA
Silva: Ende më duket ëndërr Milani
12 June, 2017 @14:52
Futbollisti i ri portugez, Andre Silva, që ka kryer testet mjekësore dhe pritet që shpejt të zyrtarizohet si lojtar i ri i Milanit, ka thënë se ende po i duket që është në ëndërr.
“Jam tepër i kënaqur me mundësinë. Jam i lumtur që jam pjesë e Milanit. E di historinë dhe madhështinë e këtij klubi. Ende më duket se jam në ëndërr,” ka thënë Silva për milannews.it sot.
Andre Silva, sulmues, raportohet të jetë paguar 38 milionë euro nga Milani, për të marrë kartonin e tij nga Porto.
Sulmuesi 21 vjeç i lindur në Gondomar të Portugalisë ka shënuar 16 gola për ekipin e Portos në stinorin që shkoi.
