Skënderbeu dhe Partizani mposhten në Kupë

Rrethi i dytë i Kupës së Shqipërisë ka kaluar me surpriza të mëdha.

Dy skuadrat kryesore në luftë për titull, Skënderbeu dhe Partizani, janë mposhtur në ndeshjet e para të kësaj faze.

Skënderbeu u mposht nga Apolonia me rezultat 2-1 në Fier. Për Apoloninë shënuan Uzuni (29’) dhe Dimo (76’), derisa goli i vetëm për korçarët u shënua nga sulmuesi James Adeniyi (86’).

Kurse Partizani u befasua nga Besëlidhja, e cila fitoi me rezultat minimal 1-0, me golin e vetëm të shënuar nga Jurgen Goxha (57’).

E befasuar gjithashtu mbeti edhe Teuta e Durrësit, e cila u mposht me rezultat 2-1 nga Kastrioti i Krujës.

Ndryshe nga Skënderbeu, Partizani dhe Teuta, skuadrat si Kukësi, Tirana e Vllaznia nuk lejuan befasi dhe i fituan ndeshjet e tyre të para të rrethit të dytë, derisa çiftet Bylisi-Laçi dhe Tërbuni-Flamurtari, përfunduan me barazim.

Ndeshjet e kthimit të rrethit të dytë të Kupës luhen më 16 nëntor.

Më poshtë, mund t’i shihni të gjitha rezultatet e rrethit të dytë të Kupës së Shqipërisë.

KUPA E SHQIPËRISË: Rezultatet e rrethit të dytë