SHKËNDIJA-SHKUPI
Shkëndija mposhtet nga Shkupi në derbin shqiptar
26 October, 2016 @16:34
Shkëndija ka pësuar edhe humbjen e dytë rresht në kampionatin maqedonas.
Kuqezinjtë nga Tetova pas humbjes ndaj Vardarit javën e kaluar, u mposhtën sot edhe nga skuadra e Shkupit, në derbin shqiptar që u zhvillua në stadiumin e qytetit në Tetovë.
Shkupjanët fituan me rezultat minimal 0-1, me golin e shënuar nga Ermedin Adem në minutën 77’ të ndeshjes.
Me këtë fitore, Shkupi ngjitet në pozitën e gjashtë të radhitjes tabelare të Ligës së parë të IRJ Maqedonisë me 13 pikë, kurse Shkëndija mbetet në pozitën e dytë me 20 pikë, 5 më pak se Vardari që mban kryesimin në tabelë.
