Mourinho: Pogba një qendërmbrojtës fenomenal

Jose Mourinho bëhet përsëri temë e mediave britanike. Së fundi trajneri portugez ka thënë se mesfushori Paul Pogba mund të bëhet një qendërmbrojtës fenomenal dhe këtë mund ta provojë te Manchester Unitedi, ku gjërat s’po shkojnë sipas planit.

“Mendoj se ai do të bëhej një qendërmbrojtës fenomenal. Ai është lojtar i klasit botëror. Me cilësinë e pasimit, me luftën në ajër, me trupin që e ka, ai do ta kryente këtë detyrë në mënyrën më të mirë të mundshme,” ka thënë Mourinho shkruan The Mirror sot.

Sa i përket mosgjetjes së formës më të mirë të lojtarit, Mourinho ka thënë se duhet pritur edhe pak pasi që adaptimi te mesfushorët prej lige në ligë është gjëja më e vështirë.

“Vështirë është të adaptohet një lojtar, posaçërisht i mesfushës nga liga në ligë. Por Manchester United ka bërë një investim për 6-7 vitet e ardhshme, ndërsa cilësia e Pogbas as që vihet në dyshim,” ka thënë Mourinho.

Së fundi, Unitedit i është lënduar qendërmbrojtësi Eric Bailly. Ndërsa takimi i radhës për Unitedin është ndaj rivalit lokal, City dhe Mourinho nuk e ka përjashtuar mundësinë që ta provojë Pogban në këtë pozitë.