Genoa shuan euforinë e Milanit

Pas fitores së madhe ndaj Juventusit, Milani i Montellas u gjunjëzua nga Genoa në ‘Luigi Ferraris’. Në fakt kjo humbje për ‘rossonerët’ erdhi pas 3 fitoreve radhazi në Serie A, ndërsa një fitore e mundshme e Napolit nesër, e largon Milanin nga vendi i tretë i klasifikimit.

Goli i epërsisë për vendasit u shënua nga Ninkovic me kokë në minutën e 11’, ndërsa gjërat për Milanin u komplikuan edhe më tepër pas kartonit të kuq të Palettas në pjesën e dytë dhe goli i barazimit nuk erdhi. Përkundrazi, Genoa e gjeti edhe dy herë golin. Fillimisht Kucka shënoi në portën e gabuar në minutën e 80’ e më pas Pavoletti shënoi për rezultatin përfundimtar 3-0.

Pas 10 xhirove, Milani ka 19 pikë, ndërsa Genoa kap shifrën e 15 pikëve në total.

TABELA AKTUALE SERIE A

Nikola Ninkovic Goal Genoa 1-0 AC Milan 25.10… by dailyfotballkick