Liverpooli e Arsenali kalojnë në çerekfinale

Në 5 ndeshjet e luajtura sonte në kuadër të EFL Cup, tutje kaluan Hull City, Leedsi, Arsenali, Newcastle e Liverpooli.

Arsenali edhe pse me një formacion komplet tjetër, me qëllim që të pushohen lojtarët startues, e kaloi pa problem Readingin, duke e mposhtur 2-0 me golat e Alex Oxlade-Chamberlain.

Ndeshja kryesore e natës, ajo mes Liverpoolit e Tottenhamit, u mbyll me fitoren e vendasve 2-1. Dy golat e fitores u shënuan nga Daniel Sturridge, i cili e gjeti rrugën e golit pas 7 ndeshjeve me klub e kombëtare. Edhe në këtë ndeshje, të dyja skuadrat nuk u paraqitën me lojtarët e tyre startues, duke u koncentruar dukshëm në takimet e Premier Leagues.

Në takimet tjera u arritën këto rezultate:

Leeds 2-2 Norwich (Leedsi u kualifikua pas penalltive)
Bristol City 1-2 Hull City
Newcastle United 6-0 Preston

Shorti për fazën çerekfinale bëhet pas ndeshjeve që zhvillohen nesër në mbrëmje.