PARA TAKIMIT NË ELBASAN
Jorge Jesus, trajner i Sporting Lisbonës/ REUTERS/Arkiv
Skënderbeu luan mirë
5 November, 2015 @10:27
Sportingu i Lisbonës është kundërshtari i radhës i Skënderbeut në Grupin H të Europa Leauge.
Skënderbeu ende s’ka fituar asnjë pikë në grup, por po merr lëvdata për lojën e mirë që po e bën. Kësaj radhe, edhe trajneri i njohur i Sportingut, Jorge Jesus, ka përmendur këtë fakt.
“Për ne është e rëndësishme fitorja, për të kaluar fazën e grupeve. Ekipi i Skënderbeut po luan mirë dhe janë më të rrezikshëm kur e dinë se nuk kanë çka të humbin në këtë ndeshje. Por, unë besoj te lojtarët që i kam dhe shpresoj në fitore,” ka thënë ai në konferencën për shtyp para ndeshjes së sontme.
Skënderbeu është duke debutuar në gara europiane këtë stinor dhe ende nuk ka fituar asnjë pikë.
Qendërmbrojtësi kosovar i ekipit korçar, Bajram Jashanica, shënoi golin e parë të ekipit në përballjen e kaluar ndaj Sportingut, në Lisbonë.
Rivalë të radhës në Grupin H për Skënderbeun janë Besiktas i Stambollit dhe Lokomotiva e Moskës.
Rezultatet e Skënderbeut në Grupin H
| Skënderbeu - Besiktas | 0-1 | ||
| Lokomotiv - Skënderbeu | 2-0 | ||
| Sporting - Skënderbeu | 5-1 |
TABELA E GRUPIT H:
| 1 | Lokomotiv | 3 ndeshje | 7 pikë | |
| 2 | Besiktas | 3 ndeshje | 5 pikë | |
| 3 | Sporting | 3 ndeshje | 4 pikë | |
| 4 | Skënderbeu | 3 ndeshje | 0 pikë |
