Skënderbeu s’pëson në Baku

Skuadra korçare, Skënderbeu, me mish e shpirt ka luftuar për të mbrojtur portën e saj - gjë që e ka arritur në fund. Korçarët nuk kanë pësuar gol gjatë 90 minutave lojë, përkundër presionit të madh nga skuadra vendase Neftçi e kryeqytetit azerbejxhanas, Baku.  Borozani.com

Bakcell Arena e Neftçit, nuk ka arritur t’i gëzohet golit aq shumë të kërkuar, ku posaçërisht dominonte braziliani Flavinho. Shqiptarët e nisën mirë lojën duke vendosur presion te kundërshtari i tyre, por me kohë u stabilizuan dhe u vendosën në mbrojtje, që në pjesën e dytë vetëm falë portierit Orges Shehi kanë arritur të dalin të pamposhtur nga Bakuja. 

Edhe kuotat e dhëna nga bastoret e ndryshme jepnin si favorit absolut azerbejxhanasit, të cilët me 1.27 e deri në 1.33 llogariteshin si favorit, para kampionit të Shqipërisë, të cilëve kuota i arrinte në disa raste deri në 9.50 për fitore. 

Ekipi i trajnerit Mirel Josa në fund nxorri rezultatin aq shumë të kërkuar, ndërsa prej minutës së 80 në fushë u paraqit edhe kosovar Leonit Abazi, i cili në minutat shtesë të takimit u ndëshkua me karton të verdhë. 

Ndeshja e kthimit zhvillohet pas një jave në stadiumin Skënderbeu të Korçës. 

Video

Neftçi-Skënderbeu, çaste nga ndeshja