Sociedad blen Januzajn

Ekipi spanjoll, Real Sociedad, ka bërë ofertë prej 9.8 milionë funtave për lojtarin e Manchester Unitedit Adnan Januzaj.

Shuma e ofruar është pranuar nga drejtuesit e ekipit prej Old Trafford dhe pritet që shpejt, lojtari me origjinë shqiptare të zyrtarizohet në ekipin bask.

Trajneri i Manchester Unitedit, Jose Mourinho, i ka thënë Januzajt që të kërkojë klub, pasi që nuk llogarit te ai më, ndërsa Januzaj së fundi ka qenë i huazuar në Sunderland, ekip që nuk siguroi mbijetesën në Premier Ligë.

Adnan Januzaj 22 vjeç është lojtar krahu, ndërsa bëri emër te United në kohën kur Djajt e kuq drejtoheshin nga David Moyes. Ai ka qenë pjesëmarrës në Botërorin e fundit, me reprezentacionin belg.