Wenger: Sanchez s’ka kërkuar të largohet

Trajneri i Arsenalit, Arsene Wenger, i ka bërë të ditur mediave se ylli kilian i ekipit të tij, nuk ka kërkuar largim nga skuadra.

Përfoljet e ndryshme se Alexis Sanchez ka kërkesa të rrogës më të madhe dhe ekipeve që kërkojnë trofe, për Wengerin nuk vlejnë.

“Askush s’e di sot nëse Sanchez do të jetë në vitin e fundit të kontratës së tij me Arsenalin, sepse ai mund ta vazhdojë atë para fillimit të stinorit ose gjatë stinorit,” ka thënë Wenger, duke iu përgjigjur edhe me “jo” pyetjes konkrete të gazetarit në konferencë për shtyp se a ka kërkuar largimin apo jo lojtari në fjalë.

Arsenal ka arritur në Sydney të Australisë për përgatitjet parasezonale, ndërsa ekipi pas shumë viteve nuk do të jetë pjesë e Ligës së Kampionëve.