Sonte: GE Ylli - Borea

Nga ora 20:00 sonte në palestrën “13 qershori” të Suharekës, zhvillohet ndeshja e dytë e Final 8 të Kupës së Kosovës.

Kjo ndeshje pritet që të mbush palestrën në fjalë, pasi që luan organizatori i Final 8, Golden Eagle Ylli.

Ylli, që ka në ekip emra për të befasuar në Kupë, synon që me përkarhjen frenetike të tifozëve të arrijë në finale të Kupës.

SHIKO: SKEMA E KUPËS SË KOSOVËS

Kundërshtar i Yllit në çerekfinale është Borea, që këtë stinor po debuton në Superligë. Ekipi pejan do të shkruajë historinë e klubit nëse arrin kalimin në gjysmëfinale duke befasuar sonte Yllin.

DUELET NË SUPERLIGË

Në përballjet e deritashme të këtij stinori, skuadrat janë takuar nga një herë dhe të dyja kanë nga një fitore si vendas.

DEKLARATA:

Në deklaratën para ndeshjes, kapiteni i Yllit, Artin Gashi ka thënë:

“Ne jemi shumë  të  motivuar, sepse luajmë në palestrën tonë dhe shpresojmë se me lojë të  mirë, si dhe me përparësinë e terrenit vendas do të arrijmë së pari ta mposhtim Borean në çerekfinale e më pas edhe të triumfojmë  në  gjysmëfinale për t’u plasuar kështu në finalen e madhe, me ç’rast do t’i gëzonim tej mase adhuruesit e basketbollit në Suharekë”.