Suhareka pëson nga Gremio Mauaense

Ekipi i nivelit të pestë të kampionatit shtetëror të Sao Paulos në Brazil, Gremio Mauaense, ka mposhtur Suharekën në miqësoren kontrolluese sot të zhvilluar në Turqi.

Suhareka është ndër e ekipet e pakta të Ligës së Parë që ofron mundësi për përgatitje në Antalya, ndërsa në përballjen e sotme ata janë mposhtur prej brazilianëve të Gremios.

Liridon Fetahaj dhe Armend Abazi kanë shënuar në këtë ndeshje për Suharekën, që pësoi 2-3 në fund, ndërsa trajneri Arsim Thaçi ka thënë se rezultati ka qenë në plan të dytë, duke testuar shumë lojtarë të ekipit në duel.