NË FERIZAJ
Super Salihu, Ferizaj shkatërron Hajvalinë
21 August, 2016 @17:34
Sulmuesi i Ferizajit, Shkëmbim Salihu, ka qenë në formë të jashtëzakonshme sot. Ai ka shënuar 4 herë brenda 45 minutave të para të ndeshjes ndaj Hajvalisë për të siguruar fitoren për ekipin e tij që këtë stinor u rikthye në Superligë nga Liga e Parë.
Dy asistime te golat e Salihut i ka bërë Muhabi Bushi, që gjithashtu ka qenë në disponim sot.
Ferizaji dominoi plotësisht në ndeshje, ndërsa Agron Selmani trajner qetësoi lojtarët në pjesë të dytë për të kontrolluar lojën, derisa Hajvalia e Sunaj Keçit kishte një rast të vetëm në pjesë të parë.
Ferizaji ia nisi me tre pikë dhe merr lidershipin në xhiron e parë të stinorit për shkak të golaverazhit ndaj skuadrave tjera.
Në xhiron që vjen Ferizaji udhëton në Pejë për ndeshje me Besën, ndërsa Hajvalia pret Drenicën në Kishnicë.
