JAVA VI
TOPSPORTI / A.P
Superliga e futsallit, ndeshjet e fundjavës
16 November, 2018 @12:15
Në kuadër të Superligës së Kosovës në futsall, këtë fundjavë luhen ndeshjet e xhiros së gjashtë.
Me Feniksin që është tërhequr nga garat tash e sa javë, Superliga e Kosovës në futsall vjen me katër ndeshje, prej të cilave dy luhen sonte e dy nesër.
Me fillim nga ora 20:00, sonte Liburni në Gjakovë e pret skuadrën e Prishtinës, ndërsa në të nëjtin orar sonte përballen edhe Drenica e Malisheva.
Sa i përket ditës së nesërme, me fillim nga ora 18:00 Juniku e pret skuadrën e Pejës, ndërsa xhiroja përmbyllet me ndeshjen e orës 19:00, atë mes Mitrovicës dhe Besës.
Për shkak që Feniksi është tërhequr nga garat, Prizreni këtë javë pushon.
