VAR
Më në fund edhe në Premier League!
15 November, 2018 @17:04
Pasi është bërë zyrtarisht pjesë e shumicës së top ligave evropiane, VAR-i që nga sezoni i ardhshëm do të jetë pjesë edhe e Premier Leagues angleze.
Për këtë gjë klubet kanë votuar sot dhe rrjedhimisht është vendosur që sistemi ndihmës i referimit të përdoret edhe në elitën e futbollit anglez që nga sezoni 2019/2020.
Pas gabimeve të shumta nga gjyqtarët në këtë ligë pothuajse çdo javë, përdorimi i sistemit VAR dukej më se i domosdoshëm dhe klubet angleze kanë reaguar shpejt, duke votuar pro VAR-it dhe duke bërë që ky sistem të përdoret edhe në ligën e tyre.
