Dalin në shitje biletat Kosova - Azerbajxhani

Kompania e cila ka marrë të drejtën e menaxhimit dhe shitjes së biletave për ndeshjen Kosova – Azerbajxhani, ka njoftuar se sot në orën 12:30 do të fillojë shitjen online të biletave.

SI TË BLEHEN BILETAT

Çdo person paraprakisht duhet të hapë llogarinë në platformën www.tiks.app dhe më pas ta kryejë pagesën nëpërmjet kartelave bankare. Çdo person ka të drejtë të blerjes së tri biletave me kartelën bankare, por duhet që të japë të dhënat për secilin posedues të biletës, pasi në biletë do të shtypet emri dhe mbiemri i secilit posedues të biletës.

TABELA AKTUALE

Ndeshja ndërmjet Kosovës dhe Azerbajxhanit do të luhet më 20 nëntor në ora 20:45.

Kosova aktualisht është lidere e Grupit D3 me tetë pikë të grumbulluara, derisa pas 4 ndeshjeve të zhvilluara ende nuk ka pësuar humbje.