Meritojmë më shumë

Futbollisti i Shqipërisë, Frederic Veseli, që luan për Empolin në Serie A të Italisë ka qenë në sot në konferencë për shtyp, në vigjilje të dy ndeshjeve të radhës.

Shqipëria do të përballet në datën 17 nëntor ndaj Skocisë, në Shkodër dhe në datën 20 nëntor ndaj Uellsit në “Elbasan Arena”.

Frederic Veseli në fjalën e tij u shpreh:

“Po jam gati, kam punuar shumë. Kemi disa mungesa dhe shpresoj të marrim maksimumin. Ne kemi entuziazëm dhe jemi shumë shok edhe jashtë. Kur grumbullohemi këtu gëzohemi të gjithë. Ana profesionale është më e rëndësishme. Në këtë moment meritojmë më shumë se vendi tretë në grup. Kemi shumë dëshirë të shkojmë edhe njëherë në Europian. Besoj se shpirti i grupit na mban bashkë. Kemi edhe disa të rinj që janë të mirë”.

Shqipëria në përballje ndaj Skocisë nuk guxon të humb, pasi që i rrezikohet Liga C e Kombeve dhe mund të bie në Ligën D.

Në anën tjetër, skocezët kanë edhe dy ndeshje dhe kërkojnë vendin e parë në grup, për të dalë në Ligën B.