JAMES RODRIGUEZ
Foto: Bayern Official/tw
Mungon disa javë
14 November, 2018 @15:29
Bayern Munchen zyrtarisht ka bërë të ditur se për shkak të një lëndimi muskulor, James Rodriguez do të mungojë disa javë në ndeshjet e ekipit.
Duke mos bërë të ditur saktësisht se sa do të mungojë kolumbiani, Bayern ka lënë të hapur mundësinë që ai të humb tërë muajin, derisa ekipi i drejtuar nga kroati Niko Kovac, nuk është duke kaluar kohërat më të mira në elitën gjermane.
Rodriguez 27 vjeç, ka ardhur te Bayern Munchen stinorin e kaluar si huazim nga Real Madridi, e këta të fundit kishin paguar 80 milionë euro për ta marrë atë nga Monacoja franceze.
Mesfushori James ka luajtur në tetë ndeshje për Bayernin në Bundesligë këtë stinor duke shënuar 3 gola.
