HEROLIND SHALA
Udhëtojmë për fitore
14 November, 2018 @21:31
Mesfushori i Kosovës, Herolind Shala, pas stërvitjes së fundit me ekipin në Fadil Vokrri sonte, ka thënë se skuadra udhëton në Maltë për fitore.
Ai është shprehur që ekipi është përgatitur mirë dhe lojtarët e kanë të qartë rëndësinë e ndeshjes.
”Çdo ndeshjeje ne i qasemi me seriozitetin më të madh, Nuk ka kundërshtar të lehtë, por ne jemi përgatitur mirë dhe atmosfera në grup është jashtëzakonisht e mirë dhe jemi të vetëdijshëm për rëndësinë e pikëve, ndaj edhe udhëtojmë për fitore,” ka thënë Shala për FFK-në.
Kosova luan ndeshjen e parafundit të Grupit 3 të Ligës D të Kombeve ndaj Maltës në udhëtim, ndërsa pas saj pret Azerbajxhanin në Prishtinë.
Nëse Kosova fiton grupin, do të sigurojë Ligën C për herën tjetër. Ndërsa, si fitues i grupit, do të ketë edhe mundësinë që të kërkojë edhe një rrugë për EURO 2020.
