Blerja e biletave, vazhdojnë problemet…

Vazhdojnë problemet në sistemin online për blerjen e biletave për ndeshjen në mes të Kosovës dhe Azerbajxhanit.

Shitja e biletave online filloi sot që nga ora 12:30, ndërsa gjatë ditës jo gjithçka ka shkuar siç duhet.

Fillimisht website kishte probleme me rënien e serverit, i cili më pas u rregullua, ndërsa për disa qytetarë duket se ka probleme edhe me konfirmim të postës së tyre elektronike nga website në fjalë, pa të cilin blerja e biletave është e pamundur. Rrjedhimisht, kjo gjë ka bërë që të interesuarit për biletat e ndeshjes të shprehin pakënaqësitë e tyre në rrjetet e ndryshme sociale, ndërkohë që po presin me orë të tëra që gjithçka të rregullohet dhe të mund t’i blejnë biletat e ndeshjes.