Susuri e Muji i sjellin fitore Lirisë në miqësore

Liria sot gjatë ditës ka luajtur miqësoren me Ramiz Sadikun në Prishtinë, në përballjen përgatitore para fillimit të stinorit të ri të Ligës së Parë.

Futbollistët e Lirisë arritën që të shënojnë fitore në këtë miqësore, pas humbjes nga Rahoveci dhe barazimit me Ferizajin, duke i mposhtur prishtinasit me rezultat 1-2.

Për Lirinë që drejtohet nga trajneri Gëzim Hasi, kanë shënuar Fitim Susuri dhe Agon Muji në fitoren e ekipit prizrenas.

Liga e Parë fillon në javën tjetër, ku Liria do të takohet me Trepçën 89’, kurse Ramiz Sadiku e pret 2 Korrikun.