Tapet i ri në Qemal Stafa

Stadiumi kombëtar në Tiranë, Qemal Stafa, së shpejti do të jetë me tapet të ri.

Në një njoftimin nga faqja zyrtare e Federatës Shqiptare të Futbollit, thuhet se kanë filluar punimet për shtrimin e tapetit të ri në këtë stadium.

“Sot, me një intensitet të plotë firma fituese e tenderit ka nisur punën për zëvendësimin e tapetit të vjetër të stadiumit kombëtar, për ta zëvendësuar me një të ri. Vendimi është marrë, për shkak të amortizimit të fushës së stadiumit, e cila nuk ishte zëvendësuar prej shumë vitesh dhe ishte gati e papërdorshme për të zhvilluar normalisht ndeshje futbolli, sidomos në kohë të rënduar dhe me shira,” thuhet në njoftim.

Punimet për shtrimin e tapetit të ri pritet të zgjasin rreth dhjetë ditë.