Të dhëna nga xhiroja XVII e Superligës

Xhiroja e parë pranverore e Superligës solli ndeshje interesante, derisa asnjëra nga ato nuk përfundoi me barazim. 

Fitoret

Pra në çdo ndeshje kishte fitues, ku tre prej tyre i takuan vendasve, derisa tre të tjerat u takuan mysafirëve. 

Ndeshja me më së shumti gola ishte ajo hapëse e stinorit, Drita-Trepça’89, ku u shënuan 5 gola, derisa ato me më së paku gola ishin Drenica-Hajvalia dhe Trepça-Besa, që përfunduan me rezultat minimal dhe vetëm një gol të shënuar. 

Lëvizjet

Ngritjet më të rëndësishme në klasifikim këtë xhiro i kanë bërë Prishtina, në pjesë të epërme dhe Ferizaji nga pjesa e poshtme e tabelës. 

Derisa Trepça është ngujuar në fund të klasifikimit, e Ferronikeli po vazhdon me formë të mirë. 

Fitoret më të thella këtë xhiro i shënuan dyshja kryesuese, Ferronikeli dhe Prishtina, me nga 2-0 dhe të dyja si mysafir. 

Duelet e ndërsjella

Sa i përket përballjeve të ndërsjella, rezultatet qëndrojnë kështu, pas xhiros së XVII:  

Trepça’89-Drita 3-0 XH. VI; 

Drita-Trepça’89 3-2 XH. XVII; 

Hajvalia-Drenica 1-0 XH. VI;

Drenica-Hajvalia 1-0 XH. XVII;

Istogu-Ferizaji 1-0 XH. VI;

Ferizaji-Istogu 2-1 XH. XVII;

Besa-Trepça 1-0 XH. VI;

Trepça-Besa 0-1 XH. XVII;

Prishtina-Vëllaznimi 1-1 XH. VI;

Vëllaznimi-Prishtina 0-2 XH. XVII;

Ferronikeli-Kosova 0-0 XH. VI;

Kosova-Ferronikeli 0-2 XH. XVII.

Përfituesit

Nga duelet e ndërsjella pas kësaj xhiroje përfituesja më e madhe del të jetë Besa e Pejës, që ka marrë 6 pikë nga kundërshtari i xhiros, Trepça. 

Ndërsa pas Besës, Prishtina e Ferronikeli kanë kapur 4 pikë në total nga kundërshtarët e kësaj xhiroje. 

Të tjerët, me bilanc, brenda fitore, jashtë humbje. 

Golat

Në total, këtë xhiro u shënuan 14 gola në 6 ndeshjet e Superligës, derisa vendasit shënuan 6 e mysafirët 8 herë. 

Shikuesit

Sa i përket shikuesve, në Gjakovë u mblodhën 3 mijë, në Vushtrri 2.5 mijë, në Gjilan 1.5 mijë, në Skenderaj 1 mijë, Ferizaj 500 dhe në Mitrovicë, 300. 

REZULTATET DHE TABELA AKTUALE