A & N
Të hënën nisin përgatitjet për pjesën pranverore, synim Superliga
2 January, 2021 @13:27
Skuadra debutuese në Ligë të Parë të Kosovës, A&N nga Prizreni, ka bërë të ditur se të hënën do të nis përgatitjet për pjesën pranverore të stinorit nën direktivat e trajnerit Megzon Visoka.
Ekipi që po kërkon që në sezonin e parë debutues në Ligë të Parë të arrijë Superligën e Kosovës ka kryer pjesën vjeshtore të stinorit në pozitë të tretë me 24 pikë, 2 më pak se lideri Dukagjini.
Përndryshe, A&N në pjesën e fundit të stinorit regjistroi 5 fitore radhazi në Ligë të Parë A dhe në ndërkohë siguroi 1/8 e finales së Kupës së Kosovës, duke e eliminuar Kikën.
