GJILANI
Të karantinuarit e Gjilanit marrin rezultatet e testeve COVID-19
21 May, 2020 @19:10
Trajneri dhe futbollistët e Gjilanit pas qëndrimit në karantinë, pasi që arritën nga Shqipëria në Kosovë, kanë marrë rezultatet e tyre për testimet e bëra për COVID-19.
Oltion Rapa, Shkëlzen Ruçi, Gerhard Progni, Fjoart Jonuzi, Sebino Plaku, Franc Veliu dhe trajneri Gentjan Mezani - të gjithë kanë rezultuar negativ pas testimeve të bëra nga IKSHPK-ja, ka bërë të ditur faqja zyrtare e gjilanasve.
“Testet e kryera sot nga IKSHKPK i dhanë dritë të gjelbër futbollistëve dhe trajnerit që pas një jave izolim në QS, të lirohen dhe të vazhdojnë izolimin në shtëpitë e tyre,” ka thënë ndër të tjera faqja zyrtare e klubit.
Njëjtë, edhe dy futbollistët tjerë që vinë nga vendet fqinje Muhamed Useini nga Maqedonia e Veriut dhe Darko Nikaç nga Mali i Zi, janë testuar negativ. Useini dhe Nikaç janë testuar në shtetet e tyre.