Te rivali

Juventus është shumë afër zyrtarizimit të marrëveshjes me ish trajnerin e Milanit, Massimiliano Allegri, pasi që formalitetet rreth kontratës kanë përfunduar

Vetëm disa orë pas largimit të Antonio Contes nga banka bianconere, drejtuesit e klubit kanë rënë në kontakt me Allegrin - që gjithashtu ka fituar titull të kampionit në Itali me Rossonerët e Milanit. 

Sipas informatave nga mediat italiane, rroga e Allegrit pritet të jetë 2 milionë euro për stinor, derisa Juventus do të kërkojë titullin e katërt të kampionit me radhë nën drejtimin e trajnerit të ri të tyre. 

Tuttosport, gazetë e afërt me Juventusin, më parë kishte lajmëruar se edhe Roberto Mancini është në kombinim për vendin e trajnerit të Juventusit, por si duket Allegri e fitoi këtë garë dhe pritet që të zëvendësojë Conten, derisa do të ketë prapë në komandë ish lojtarin e tij, Andrea Pirlo.