Thehet akulli, mposhtet Hajvalia

Skuadra lidere e Superligës, Hajvalia, ka shijuar humbjen e parë në këtë stinor. Ekipi i trajnerit Sunaj Keçi është mposhtur pas një serie prej 14 ndeshjeve pa humbje, pasi humbjen e fundit e kishin pësuar më 23 prill të këtij viti kur ishin poshtur me rezultat 1-0 nga Trepça ‘89 në stadiumin Riza Lushta të Mitrovicës.

Riza Lushta e pakalueshme!

E njëjta skuadër që e kishte mposhtur Hajvalinë për herë të fundit, arriti ta mposht edhe sot. Hajvalia u nda nga stadiumi i Riza Lushtës edhe kësaj radhe me humbje, ndërsa mitrovicasit iu gëzuan fitores me rezultat të thellë 3-0.

Goli i epërsisë u shënua në pjesën e parë nga Arbër Potoku, i cili ka qenë edhe realizatori i ndeshjes së 23 prillit kur ishte mposhtur Hajvalia për herë të fundit, ndërsa në ndeshjen e sotme shkëlqeu edhe Blerand Kurtishaj që regjistroi dy gola për t’ia siguruar fitoren e tretë në këtë stinor për xehetarët.

Ekipi mitrovicas në këtë ndeshje u paraqit për herë të parë në krye me trajnerin e ri Fahredin Duraku, i cili e morri drejtimin e skuadrës pas largimit të trajnerit Rafet Prekazi.

Pavarësisht humbjes, Hajvalia vazhdon të kryesoj në radhitjen tabelare me 19 pikë, ndërsa ‘89-shi me këtë fitore i është afruar pjesës së sipërme të tabelës me gjithsej 13 pikë të tubuara.

Rezultatet ndeshjet e radhës dhe tabela aktuale.

Seria pa humbje e Hajvalisë