KUSH SHËNOI MË SHPESH NË 2020?
Top golashënuesit e pranverës në Superligë 19/20
20 March, 2020 @22:22
Në ditët pa futboll, në shikimin e golashënuesve më të mirë të stinorit 2019/20 deri tash udhëheqin Blendi Baftiu dhe Arb Manaj.
Baftiu, që është edhe motori i Ballkanit ka 11 gola të shënuara të gjitha nga loja, për dallim nga Manaj i Trepçës’89 që ka 4 nga 11 të shënuara nga penalltia.
Por, në afatin kalimtar të janarit në Superligë ekipet kanë bërë ndërrime dhe tashmë numri i golashënuesve që po numërojnë golat drejt kreut të shenjëtarëve më të mirë - po shtohet.
E sa i përket pjesës pranverore, për aq sa u luajt kampionati, deri në ndërprerjen për shkak të pandemisë coronavirus, golashënues më të mirë janë:
Arb Manaj - Trepça’89 - 4 gola;
Sulmuesi qendror i Trepçës’89 dhe golashënuesi më i mirë i përgjithshëm në këtë stinor bashkë me Baftiun, ka vazhduar ritmin e golave të vjeshtës dhe në pranverë. Ndër të paktit në Superligë që ka arritur të bëj këtë.
Ersil Ymeri - Llapi - 4 gola;
Ersil Ymeri - mesfushori i Llapit që erdhi nga Shqipëria dhe prej planit të dytë ka kryer shumë ndeshje të pjesës së dytë të stinorit për ekipin nga Podujeva me golat e tij, mund të tregohet vendimtar në ngritjen e mëtutjeshme të skuadrës.
Oto John - Prishtina - 4 gola;
Oto John - sulmuesi i rikthyer në Superligë të Kosovës. Nigeriani që vite më parë ka qenë golashënuesi më i mirë i Superligës, ka treguar se është specialist i golave dhe shpejt është ambientuar te ekipi i Armend Dallkut që në pesë ndeshjet e tij me bardhekaltërit ka shënuar katër herë!
Ndërsa menjëherë pas tyre, me nga tre gola të shënuara renditen:
Alban Shillova - Flamurtari - 3 gola;
Betim Haxhimusa - Drita - 3 gola;
Kastriot Rexha - Drita - 3 gola;
Taulant Dajaku - Ferizaji 3 gola.
Statistikat shumë herë nuk gabojnë, prandaj golashënuesit e ekipeve duhet marrë parasysh në kalkulime për vazhdim të stinorit (kurdo që vazhdon, nëse vazhdon 19/20) pasi që këta mund të vendosin për të ardhmen e stinorit.
Për më tepër, shikoni TOP listën e golashënuesve të Superligës nga secili ekip dhe cilët janë lojtarët që kanë shënuar dhe janë renditur në minimalisht 100-shen e Superligës.