SWANSEA - SPURS
Tottenhami fiton, Swansea vazhdon fundosjen
2 January, 2018 @22:36
Në një ndeshje me mot të papërshtatshëm për lojë dhe me vendasit që ushtruan presion gjatë gjithë ndeshjes, Tottenhami në fund iu gëzua fitores falë golave të shënuara nga Fernando Llorente dhe Dele Alli.
Spanjolli, i cili nuk e festoi golin për shkak të respektit ndaj ish-skuadrës së tij, shënoi me kokë nga një pozitë që pas përsëritjeve televizive u pa që ishte jashtë lojë, ndërsa fitorja u vulos nga Alli pak minuta para përfundimit të kohës së rregullt. Në mes të dy golave të Tottenhamit, Swansea krijoi shumë raste për shënim, madje e goditi edhe shtyllën, mirëpo fati nuk ishte me uellsianët dhe takimi u mbyll me fitoren e londinezëve.
Kjo fitore bën që Tottenhami të jetë në vendin e 5-të me një takim më pak të luajtur, ndërsa Swansea momentalisht ndodhet e fundit në klasifikim.
