Transferet e kompletuara, në Premier League

Tregu i transferimeve në Premier League ka nisur dhe atë ende pa nisur pushimet verore. 

Deri më tani këto klube kanë zyrtarizuar e konfirmuar përforcimet për stinorin 2015/16. 

ASTON VILLA ka kompletuar Scott Sinclairin, duke nënshkruar për katër stinorët e ardhshëm. 

BOURNEMOUTH si ekip i ri në Premiership, tashmë janë vlugun e përforcimeve. Ata kanë kryer marrëveshjet me Artur Boruc dhe Adam Federici, derisa Joshua King dhe Christian Atsu kanë nënshkruar gjithashtu. 

LEICESTER CITY ka vendosur të përforcojë së pari mbrojtjen, duke e marrë Christian Fuchsin nga Schalke. 

LIVERPOOL duke mos dashur të kujtojë stinorin e kaluar, ka hapur kuletën menjëherë, duke nënshkruar me James Milner dhe Danny Ingsin. 

MANCHESTER UNITED ka siguruar një lojtar të talentuar të niveleve të larta, duke blerë Memphis Depayin nga PSV Eindhoven për 25 milionë funta. 

TOTTENHAM HOTSPUR ka kompletuar mbrojtësin premtues austriak, Kevin Wimmer nga Koln. 

WATFORD si ekip i rikthyer në Premiership, ka siguruar mbrojtësin Sebastian Prodl dhe Giedrius Arlauskis. 

E ky është vetëm fillimi në Premier League, derisa në muajt në vijim pritet të bëhen edhe transferime më të mëdha në ligën më të shikuar të futbollit në botë.