Trepça pa fitore, Prishtina pa humbje

Pas tetë xhirove të zhvilluara në Superligë, me ndeshjet që përfunduan dje, Trepça e Mitrovicës që këtë stinor u kthye në Superligë duke ardhur nga Liga e Parë - ka mbetur ekipi i vetëm pa fitore ende.

Në fakt, mitrovicasit janë shumë afër fitores, por në disa raste nuk po arrijnë të mbajnë epërsinë e tyre, ku rivali po barazon para fundit të ndeshjes - një gjë e tillë ndodhi edhe dje kur ishin pranë fitores në Ferizaj, por në fund u detyruan të ndajnë pikët, pasi që vendasit shënuan për 2-2.

Në anën tjetër, Prishtina edhepse humbi kreun e tabelës me barazim ndaj Drenicës në Skenderaj, ka mbetur ekipi i vetëm që nuk ka pësuar ende në Superligë.