Treshja e Fiorentinës, shpëton nga coronavirusi

Skuadra italiane nga qyteti i Firencës, Fiorentina, ka bërë të ditur sot se tre futbollistët e saj që kishin dalë pozitiv në testin për coronavirus, janë shëruar.

“Patrick Cutrone, German Pezzella dhe Dusan Vlaovic, më nuk janë pozitiv në coronavirus,” ka shkruar ndër të tjera komunikata e klubit.

Fiorentina ka falenderuar mjekët, motrat medicinale dhe spitalet për kujdesin e treguar ndaj futbollistëve të tyre dhe krejt Italisë në përgjithësi, duke shtuar se në kampanjën Forza e Cuore (Forca dhe Zemër) tashmë janë kaluar shifrat e 760 mijë eurove që janë destinuar për blerjen e materialeve kyqe dhe paisjeve tjera për të luftuar pandeminë.