KOMISIONI DISCIPLINOR
UEFA dënon edhe Kroacinë
23 July, 2015 @18:22
Përfaqësueses së Kroacisë i është hequr një pikë, duhet të luaj edhe dy ndeshje pa tifozë si vendas si dhe është gjobitur me 100 mijë euro nga UEFA-ja.
Dënimi i UEFA-së ka ardhur pas ndeshjes ndaj Italisë, ku në fushë është parë shenja naziste, për të cilën edhe kroatët u befasuan.
Përkundër heqjes së pikës, Kroacia mbetet e para në grup me një pikë më shumë se Italia e dyta dhe Norvegjia e treta.
Mediat kroate kanë komentuar vendimin e Komisionit Disciplinor të UEFA-së si me fat, pasi që janë frikësuar mos po përjashtohen nga garat për EURO 2016.
