Fantasy TopSporti
Të gjitha lajmet
Tabelat dhe Rezultatet

ULPIANA - BALLKANI

Ulpiana - “ilaçi” për skuadrat e mëdha, mposhtë Ballkanin me përmbysje!

Ulpiana - “ilaçi” për skuadrat e mëdha, mposhtë Ballkanin me përmbysje!


31 October, 2021 @14:57

Pasi i ndali në barazim Dritën e Prishtinën e pasi e mposhti Gjilanin më herët gjatë këtij sezoni, Ulpiana sot ka arritur ta ndalë një tjetër garues për titull të Superligës.

Sot Ulpiana e mposhti me rezultat 2-1 (Iran Junior 69’, Ardi Shala 90+3’ / Ardi Shala (AG) 47’) Ballkanin e Bekim Isufit.

Pjesa e parë e ndeshjes u mbyll pa gola, e dukshëm më interesante ishte pjesa e dytë.

TABELA AKTUALE

Pak pasi filloi pjesa e dytë, erdhi goli i Ballkanit. Në minutën e 47’, Ardi Shala i Ulpianës e dërgoi topin në rrjetën e gabuar pas krosimit të ardhur nga Armend Thaqi, mbrojtësi i djathtë i Ballkanit.

Mirëpo, vendasit nuk u dekurajuan dhe luftuan për ta gjetur barazimin, i cili erdhi në minutën e 69’, kur Iran Junior shënoi një supergol për rezultatin 1-1. I njëjti lojtar shënoi edhe në minutën e 75’, por për fatin e tij të keq, ai gol u anulua për shkak të pozitës jashtë loje.

Krejt në fund të ndeshjes, kur u mendua se pikët mes skuadrave do të ndahen, në skenë doli Ardi Shala i Ulpianës, i cili shënoi për 2-1 në minutën e tretë të ndeshjes dhe kështu ia dhuroi tri pikë skuadrës së tij. Duke e shënuar golin e fitores në fund të përballjes, Shala “u shfajësua” disi për autogolin që e shënoi pikërisht në këtë takim.

Kjo fitore bën që Ulpiana momentalisht të jetë jashtë zonës së rrezikshme, kurse Ballkani me këtë gabim e lëshon kreun e klasifikimit të paktën përkohësisht.


 
Të gjitha lajmet nga FFK Superliga